Nidhamu ni kuamua kufanya kitu, bila kujali unajisikia kufanya kile kitu au hujisikii. Matendo yako ya kila siku ndiyo yanaweza kutuambia kuwa una nidhamu kwenye eneo gani na hauna nidhamu kwenye eneo gani. Kwa mfano, kama umejiwekea utaratibu wa kuweka akiba kila siku, na ukaweka akiba kila siku, hapo unakuwa umejijengea nidhamu binafsi.

Nidhamu ni kitu ambacho kinawatofautisha wanaofanikiwa na wale ambao hawafanikiwi kwenye maisha. Ni kitu kidogo ambacho unahitaji ili uweze kufika mbali kimaisha. Bila nidhamu rafiki yangu, unaweza kuanza na mamilioni ya fedha kwenye maisha na ukayapoteza. Na ukiwa na nidhamu, unaweza kuanza na shilingi kidogo tu, ukazibadili kuwa mamilioni ya fedha.

Sasa jiulize, je, wewe una nidhamu kwenye kile unachofanya? Una nidhamu kweli?