Ni rahisi kuacha kufanya pale unapokuwa huoni matokeo ya haraka. Ila ukweli ni kuwa kamwe usiache kufanya kwa sababu tu huoni matokeo ya haraka, badala yake endelea kukaza.
Kukomaa kwa muda mrefu kutakuweka kwenye hali ya kupata matokeo mazuri kuliko vile unavyofanya kwa muda mfupi na kuacha. Mfano, ukiwekeza mara moja na kuacha, au ukiweka akiba mara moja na kuacha, utashindwa kuona matokeo yanayotokana na mwendelezo na uvumilivu.
Mfano mwaka huu ni mwaka wa uchaguzi. Unaweza kujichagua mwenyewe kwa kuhakikisha unakuwa na sera nzuri ambazo zitakuinua kiuchumi miaka mitano ijayo, kisha ukaamua kuwekeza kwa nguvu zote kwa miaka mitano ijayo bila ya kuacha, nakuhakikishia kuwa kama ukifuata sera zako bila kuacha kwa miaka mitano ijayo bila kuacha, utaweza kufanya makubwa sana.
2025 JICHAGUE MWENYEWE. Kuna ebook ya bure inayokuonesha namna na wapi ujichague mwenyewe mwaka 2025. Nitakuwekea hapa moja kesho, hakikisha unafungua makala hiihii kesho kwa ajili ya kujifunza zaidi