Rafiki yangu, hongera sana kwa siku hii ya kipekee. Leo ni siku nyingine bora kwa ajili yako. Hakikisha kwamba unaitumia vyema siku ya leo. Na moja ya kitu muhimu sana ambacho unapaswa kukifanyia kazi kuanzia leo ni kukua.
Ukuaji ni moja ya kitu muhimu sana hasa unapokuwa unataka kufanya makubwa. Unaanzia hapo hapo ulipo, unafanya yale unayoweza kufanya sasa hivi., lakini habari njema ni kwamba haupaswi kuendelea kubaki hapohapo. Unapaswa kuendelea kukua mara zote.
Jichukulie wewe kama kampuni. Kama ungekuwa kampuni, watu wangekuwa wanahamasika kuwekeza kwenye kampuni hii (ambayo ni wewe) au wasingekuwa na hamu kabisa? Ni kitu gani kingewafanya wawe na hamu ya kuwekeza kwenye hii kampuni au kukosa hamu kabisa?
Na swali tamu sana kuhusu hili ni kwamba je,. Wewe mwenyewe kama ungekuwa unawekeza kwenye kampuni ambayo ni wewe, ungewekeza kwenye wewe?
Kama unaona kwamba kuna mapungufu, basi hayo mapungufu unapaswa kuyafanyia kazi kwa kuboresha zaidi. Ili uwe bora.
Usikubali kuendelea kuwa pale kila siku.
Kuhakikisha kwamba hauendelei kuwa hivyo hivyo kila siku, nimekuandalia vitu vitano muhimu sana ambavyo unapaswa kuzingatia ili kuwa na ukuaji kwenye hicho unacahofanya.
Kitu cha kwanza ni kwa wewe kuhakikisha kwamba unakuwa mtu wa kujifunza kila siku. Mara zote jifunze, bila ya kuchoka. Kujifunza ni chanzo cha wewe kuendelea kuwa na maarifa mapya kila siku. Kama unataka kuwa na matokeo ya tofauti, endelea kujifunza kila siku, na hasa jifunze kupitia usomaji wa vitabu.
SOMA ZAIDI: Ujumbe Muhimu Kwa Wasomaji Wote Wa Vitabu
Kitu cha pili ni kwamba unapaswa kuboresha kile unachofanya. Mara zote boresha, maboresho haya yanaweza kutokana na namna unavyoona kwamba hiki kitu cha sasa kinafanyika, na sasa kinapaswa kuboreshwa zaidi. Lakini pia maboresho haya yanaweza kutokana na mrejesho ambao unaupokea kutoka kwa wateja. Kadiri unavyopokea mrejesho kutoka kwa wateja, boresha ili kupata mrejesho ambao ni bora zaidi ambao utakufanya ukue zaidi na zaidi.
SOMA ZAIDI: AINA TATU ZA UJUZI UNAOHITAJI ILI KUONGEZA THAMANI YAKO NA KULA MEMA YA NCHI
Tatu ni kufanyia kazi kile unachojifunza. Yaa, nakumbuka kwenye nambari moja nilikwamabia kwamba unapaswa kujijengea utaratibu wa kujifunza na hasa kwa kusoma vitabu, lakini kitu kingine muhimu sana ni kwamba unapaswa kufanyia kazi kile ambacho unajifunza kwa vitendo. Mara zote fanyia kazi kile unachojifunza. Ukichukua kitabu na kukisoma, kamwe, usibaki tu kuwaambia watu kuwa ulisoma hiki kitabu. Badala yake, soma hicho kitabu kwa lengo kwamba utapata kitu ambacho utafanyia kazi kwenye maisha yako au biashara yako. kitu hiki utakachopata kama utakifanyia kazi, ni wazi kuwa utakuwa una uwezo wa kukua na kutoka hapo ulipo na kwenda hatua ya ziada.
SOMA ZAIDI: Kitu kimoja unachopaswa kufanyia Kazi kwa uhakika 2024
Nne, penda na kuwa mtu wa kutumia teknollojia. Ukweli ni kuwa teknolojia mpya zinazidi kugunduliwa kil asiku. Na kadiri hizi teknolojia zinavyozidi kugunduliwa ndiyo kunakuwa na mabadiliko makubwa ambayo yanayokea. Ikumbatie teknolojia, na itumie teknolojia na hasa kwenye biashara yako.
JIFUNZE ZAIDI: Jinsi Ya Kudandia Teknolojia Mpya
Kitu cha tano na cha mwisho ambacho kitakufanya uwe na ukuaji kwenye maisha, kwenye biashara na kwenye maisha yako kiujumla ni kujifanyia tathmini. Tathmni ni moja ya kitu muhimu sana , ili kuona ni wapi umetokea, ni wapi umefikia na wapi unaelekea. Kwenye kila kitu ambacho unafanya, jifanyie tathmini. Tathmini ni muhimu kwa ukuaji wako. Hivyo mara zote jifanyie tathmini.
Kama una mtoto utakuwa unajua wazi kuwa kila mwezi mtoto wako lazima apelekwe hospitali kwa ajili ya kliniki. Lengo la hii kiniki ni kujifanyia tathmini. Na lengo la tathmini hii ni kukusaidia kuboresha kile unachofanya, ili uweze kupata matokeo makubwa zaidi.
SOMA ZAIDI: Kafanyaje huyu?
kwa leo naishia hapo.
Mimi naitwa Godius Rweyongeza
Kwa mawasiliano zaidi: 0655848392
Karibu sana