Kwa juu juu wanaonekana sawa. Wote wanafanya kazi, wote wanahusika na pesa, na wote wanaweza kusema “niko kwenye biashara.” Lakini ukichimba kidogo, utagundua kuna tofauti kubwa sana kati ya mfanyabiashara na mtu anayetafuta pesa. Tofauti hii haipo kwenye kiasi cha mtaji wala aina ya biashara—ipo kwenye namna ya kufikiri.

Mtu anayetafuta pesa huanza kwa swali la haraka: nitapata pesa kiasi gani? Lengo lake la kwanza ni pesa, na mara nyingi ni pesa ya sasa. Anaangalia kazi au biashara kama chombo cha kumletea fedha za haraka. Akiona mapato hayaji kwa kasi alichoitarajia, hukata tamaa, hubadilisha mwelekeo, au kuacha kabisa. Kipaumbele chake ni matokeo ya leo, si mfumo wa kesho.

Mfanyabiashara, kwa upande mwingine, huanza kwa swali tofauti kabisa: ninatatua tatizo gani? Anaelewa kwamba pesa ni matokeo ya thamani anayotoa. Badala ya kukimbilia faida ya haraka, hujenga msingi—anafikiri kuhusu wateja, ubora, uaminifu na mwelekeo wa muda mrefu. Anaweza kuvumilia kipindi ambacho faida ni ndogo au haipo kabisa, kwa sababu anaelewa anachojenga.

Mtu anayetafuta pesa huona pesa kama lengo. Mfanyabiashara huona pesa kama zao. Ndiyo maana mtu wa kutafuta pesa huweza kubadilisha biashara mara kwa mara, akifuata “kinachoingiza pesa” kwa wakati huo. Leo anaweza kufanya biashara hii, kesho ni ile. Hana mwelekeo, hana uvumilivu, wala kinachomtambulisha. Kwa upande mwingine mfanyabiashara anajenga biashara moja au chache kwa umakini, akizielewa kwa kina, na kuzikuza taratibu.

Tofauti hii inaonekana pia kwenye namna wanavyokabiliana na changamoto. Mtu anayetafuta pesa akikutana na hasara, huona kama amekosea njia. Hujiambia “hii biashara haifai” na kuondoka. Mfanyabiashara huona hasara kama sehemu ya safari. Anauliza: nimejifunza nini? nifanye nini tofauti? Badala ya kukimbia, hubadilika.

Katika matumizi ya pesa, tofauti ni wazi zaidi. Mtu anayetafuta pesa akipata faida kidogo, huanza kuitumia kuonyesha mafanikio—anasa, matumizi ya haraka, au kuwaringishia watu. Mfanyabiashara huirudisha pesa kwenye biashara: kuboresha huduma, kuongeza uwezo, au kujenga mfumo imara. Anajua biashara si mashindano ya kuonekana, bali ni safari ya kujenga.

Zaidi ya yote, mfanyabiashara ana subira. Anaelewa kuwa biashara si mkato, bali ni mchakato. Mtu anayetafuta pesa anakosa subira, kwa sababu lengo lake ni pesa yenyewe. Anapotokupata haraka, hukata tamaa. Ndiyo maana wengi wanabaki kwenye mzunguko wa kuanza na kuacha, wakati wachache wanaendelea kujenga mpaka wanapoona matokeo makubwa.

Kabla hujaanza au kuendelea na unachokifanya, jiulize kwa uaminifu: mimi ni mfanyabiashara au natafuta pesa tu? Jibu la swali hili litaamua kama utadumu au utachoka njiani.

---

Kama ungependa kuondoka kwenye fikra za kutafuta pesa na kuingia kwenye fikra za ujenzi wa biashara, vitabu hivi vitakusaidia sana:

• MAISHA NI FURSA – Kukusaidia kubadilisha mtazamo wako kuhusu kazi, pesa na fursa.
• MAMBO 55 ya Kuzingatia Kabla ya Kuanza Biashara – Mwongozo wa vitendo kwa yeyote anayechukua biashara kwa uzito.
• TENGENEZA PESA KWA KUUZA UNACHOJUA – Jinsi ya kujenga biashara kwa kutumia maarifa na ujuzi ulionao.

---

Kwa mawasiliano ya moja kwa moja na mwandishi au kupata vitabu vilivyopendekezwa (hardcopy, softcopy au audiobook):

👉 WhatsApp 0755 848 391
https://wa.me/255755848391

👉 WhatsApp 0684 408 755
https://wa.me/255684408755

Achana na kutafuta pesa tu—anza kujenga biashara yenye mwelekeo na maana.

Watu wengi wanapofikiria biashara, picha ya kwanza inayokuja akilini ni duka, ofisi, bidhaa au mtaji. Hii ndiyo sababu kuu inayowafanya wengi waahirisha kuanza: wanasubiri mahali, wanasubiri pesa, au wanasubiri mazingira “yakae sawa”. Lakini ukweli wa msingi ni huu—biashara huanza kichwani, si dukani.

Kabla hujafungua mlango wa duka, tayari kuna mlango mmoja umeshafunguliwa au umefungwa kabisa: mlango wa mawazo yako. Ndani ya kichwa ndipo biashara hujengwa kwa mara ya kwanza. Ndipo unapounda mtazamo wako kuhusu pesa, hatari, wateja, kushindwa na mafanikio. Kama mtazamo huo haujaandaliwa, duka linafunguliwa tu kama jengo tupu lisilo na mwelekeo.

Kichwani ndipo maamuzi muhimu hufanyika. Ni hapo ndipo unapoamua kama utaanza au utaahirisha. Ni hapo ndipo unapoamua kama changamoto ni sababu ya kukata tamaa au ni somo la kujifunza. Watu wengi hawajashindwa kwa sababu walifungua duka vibaya, bali kwa sababu waliingia kwenye biashara bila kuwa tayari kiakili. Walipoanza kukutana na changamoto za kawaida za biashara—wateja wachache, faida ndogo, au makosa ya mwanzo—hawakuwa wamejiandaa kisaikolojia.

Biashara pia huanza kichwani kwa sababu wazo linatangulia utekelezaji. Kabla ya bidhaa kuonekana sokoni, kwanza mtu aliliona wazo hilo akilini. Kabla ya huduma kutolewa, kwanza mtu alitambua tatizo la watu na akafikiria suluhisho. Kama huna muda wa kufikiri, kuchunguza na kuelewa unachotaka kufanya, duka lako litakuwa linaiga tu bila mwelekeo wa kipekee.

Kichwa ndicho kinachoamua namna utakavyotumia duka. Watu wawili wanaweza kufungua biashara zinazofanana kabisa, katika mazingira yanayofanana, lakini matokeo yakawa tofauti sana. Tofauti hiyo haitokani na rangi ya duka wala ukubwa wa mtaji, bali namna wanavyofikiri. Mmoja ataona changamoto, mwingine ataona fursa. Mmoja ataona mteja mgumu, mwingine ataona mteja anayehitaji kueleweka zaidi.

Biashara huanza kichwani pia kwa sababu nidhamu huanzia huko. Hakuna anayesimamia mawazo yako isipokuwa wewe mwenyewe. Kama kichwani kwako hakuna nidhamu ya kupanga, kusubiri matokeo, na kufanya maamuzi ya busara, hata duka kubwa halitaokoa biashara yako. Kichwa kisicho na nidhamu huzalisha maamuzi ya jazba, matumizi yasiyo na mpango, na kukata tamaa mapema.

Ndani ya kichwa pia ndipo uvumilivu huzaliwa. Biashara si safari ya siku moja. Kuna nyakati za kusuasua, kukosekana kwa mauzo, na hata hasara. Mtu ambaye tayari ameshajiandaa kichwani anaelewa kwamba haya ni sehemu ya safari. Lakini yule aliyeingia bila maandalizi ya kiakili huona kila kikwazo kama ishara ya kushindwa.

Ndiyo maana mtu anaweza kuanza biashara bila duka, bila ofisi, na bila mtaji mkubwa, lakini akafanikiwa. Na mwingine anaweza kuwa na kila kitu kilicho nje—mtaji, duka zuri, bidhaa—lakini biashara ikafa kimya kimya. Kile kilichokosekana si duka, bali akili ya biashara.

Kwa hiyo, kabla hujauliza “nitafungua duka lini?”, jiulize kwanza: nimejiandaa kichwani kiasi gani? Je, ninaelewa kwa nini naanza biashara hii? Je, niko tayari kujifunza, kuvumilia na kubadilika? Majibu ya maswali haya ndiyo msingi wa biashara yako kuliko eneo au mtaji wowote.

Biashara ikianza kichwani kwa usahihi, duka linakuwa chombo tu cha kutekeleza wazo. Lakini kama kichwani hakuna mwelekeo, duka linakuwa mzigo unaochosha.

---

Kama ungependa kuendelea kujenga msingi wa biashara kuanzia kwenye fikra na mtazamo, vitabu hivi vitakusaidia sana:

• MAISHA NI FURSA – Kitabu kinachokusaidia kubadilisha namna unavyoona pesa, kazi na fursa.
• NGUVU YA KUFIKIRI KWA UKUBWA – Kinakujenga kufikiri zaidi ya mazingira ya sasa.
• NGUVU YA KUCHUKUA HATUA YA KWANZA – Kwa yeyote anayesita kuanza licha ya kuwa na mawazo mengi.

---

Kwa mawasiliano ya moja kwa moja na mwandishi au kupata vitabu vilivyopendekezwa (hardcopy, softcopy au audiobook):

👉 WhatsApp 0755 848 391
https://wa.me/255755848391

👉 WhatsApp 0684 408 755
https://wa.me/255684408755

Anza kujenga biashara yako kichwani leo—duka litafuata baadaye.

Watu wengi huahirisha kuanza biashara kwa sentensi moja maarufu: “Nikipata pesa ndipo nitaanza.”
Kauli hii inaonekana ya kawaida, lakini ndiyo imewazuia watu wengi zaidi kujaribu, kujifunza, na hatimaye kufanikiwa. Ukweli ni huu: pesa ni nyenzo, lakini akili ndiyo mtaji halisi wa biashara.

1. Pesa bila akili hupotea haraka

Historia imetuonyesha watu waliopata pesa nyingi ghafla—kupitia mirathi, mikopo, au hata bahati—lakini wakaishia kuwa maskini tena. Sababu si kwamba pesa haikutosha, bali akili ya kuisimamia haikuwepo.
Akili inakuwezesha:

• Kupanga matumizi
• Kuweka vipaumbele
• Kuwekeza badala ya kutumia
• Kujifunza kutokana na makosa

Bila akili, pesa ni kama maji kwenye mkono—hutiririka na kupotea.

2. Akili hutengeneza pesa hata pasipo mtaji

Wajasiriamali wengi waliobobea walianza bila pesa nyingi. Walichoanza nacho ni:

• Wazo sahihi
• Uelewa wa tatizo la watu
• Ujasiri wa kujaribu
• Nidhamu ya kujifunza

Akili inakuwezesha kuona fursa pale wengine wanaona tatizo. Ndiyo maana mtu mwenye akili ya biashara anaweza kuanza leo na rasilimali chache, akajenga kitu kikubwa kesho.

3. Akili hukusaidia kutumia pesa kwa busara

Pesa inapokuja mikononi mwa mtu mwenye akili ya biashara:

• Haitumiki kwa jazba
• Haitumiki kuthibitisha mafanikio kwa wengine
• Haitumiki kwa anasa zisizo na tija

Badala yake, hutumika kujenga mifumo, kuboresha bidhaa/huduma, na kuongeza thamani. Akili huamua pesa iende wapi; pesa haiamui akili ifanye nini.

4. Akili hukusaidia kuvumilia vipindi vigumu

Biashara si mstari wa moja kwa moja. Kuna:

• Kupanda
• Kushuka
• Hasara
• Kukata tamaa

Katika nyakati hizi, pesa peke yake haiwezi kukuokoa. Ni akili yako, namna unavyofikiri, kutathmini hali, na kuchukua hatua ndogo ndiyo inayokurudisha kwenye mwelekeo sahihi. Wengi huacha si kwa sababu hawakuwa na pesa, bali kwa sababu hawakuwa na akili ya uvumilivu na kujifunza.

5. Akili hukua, pesa hupungua

Tofauti kubwa kati ya akili na pesa ni hii:

• Akili inazidi kukua kadri unavyoitumia
• Pesa hupungua kadri unavyoitumia

Unapowekeza kwenye akili yako, kusoma, kusikiliza, kujifunza, unaongeza uwezo wako wa kuzalisha pesa zaidi baadaye. Ndiyo maana elimu sahihi ya biashara ni uwekezaji, si gharama.

6. Biashara huanza kichwani, si mfukoni

Kabla hujafungua duka, ofisi, au akaunti ya biashara, tayari biashara imeanza:

• Kwenye mtazamo wako
• Kwenye maamuzi yako
• Kwenye nidhamu yako
• Kwenye ujasiri wako

Akili sahihi huandaa njia; pesa huja baadaye kufuata mwelekeo uliowekwa.

---

Kama una pesa lakini huna akili ya biashara, uko hatarini.
Kama huna pesa lakini una akili sahihi, una matumaini makubwa.

Usingoje pesa ikupe ruhusa ya kuanza. Anza kwa kuijenga akili yako.

---

Kama mada hii imekugusa, basi vitabu hivi vitakusaidia kuijenga akili ya biashara na fedha kwa vitendo:

1. MAISHA NI FURSA – Kubadilisha kabisa mtazamo wako kuhusu pesa, kazi na fursa.
2. NGUVU YA KUFIKIRI KWA UKUBWA – Kujenga akili ya kuona mbali na kuamua kwa ujasiri.
3. TENGENEZA PESA KWA KUUZA UNACHOJUA – Jinsi ya kugeuza maarifa yako kuwa chanzo cha kipato.

---

Unataka kupata vitabu hivi (hardcopy, softcopy au audiobook) au kuwasiliana moja kwa moja na mwandishi?

👉 WhatsApp 0755 848 391
https://wa.me/255755848391

👉 WhatsApp 0684 408 755
https://wa.me/255684408755

Chukua hatua leo—jenga akili yako, pesa zitafuata.

umewahi kusoma kitabu chenye mambo 101 kuhusu kitu fulani?

Labda misemo 101 ya kuifanya siku yako ianze vyema kabisa.

au labda mambo 101 usiyoyajua kuhusu mahusiano.

au  mambo 101 usiyoyajua kuhusu biashara n.k

Kuna vitabu vya aina hii vingi sana. Lakini swali linakuwa ilikuwaje watu wakaanza kuandika mambo 101. Kwa nini huwa hawaandiki mambo 88? Kwa nini huwa hawaandiki 41? Kwa nini wengi wanaandika mambo 101?

Namba “101” ilianza kutumika sana kwenye mfumo wa elimu, hususani vyuoni. Kozi za utangulizi zilikuwa zikitambulishwa kama “Course 101”, zikiwa na lengo la kumsaidia mwanafunzi kupata msingi wa jambo fulani kabla ya kuendelea na ngazi ya juu zaidi. 

Mwenyewe naikumbuka mojawapo ya kozi nilizosoma chuoni ilikuwa ni HT 101 (Principles and Practices of Horticulture). 

Ilikuwa imebeba VITU vingi tulivyokuja kujifuñza kwa miaka mitatu iliyofuata. Ulikuwa ni msingi muhimu sana kwenye sayansi ya kilimo Cha bustani. 

Kumbe, matumizi ya “101” mpaka sasa yamepanuka na sasa hutumika kuonyesha mwongozo wa msingi lakini ulio kamili kuhusu jambo fulani. Hivyo, 101 haimaanishi tu idadi, bali inaashiria:

muhtasari muhimu

misingi ya jambo

hatua za mwanzo lakini zilizo wazi na zinazotosha kukuongoza

Mfano “Biashara 101”  mwongozo wa misingi ya kuanzisha na kuendesha biashara

“Uongozi 101”  msingi wa kuelewa dhana za uongozi na namna ya kuwa kiongozi mzuri

Kwa hiyo, unapokutana na neno “101”, tambua kwamba kinachozungumziwa ni mwongozo wa msingi unaokupa picha kubwa ya jambo husika, si lazima kiwe na vitu 101 kwa idadi.

Ikumbukwe kwamba inapotumika namba 101 si mara zote lazima viwe ni vitu 101 vimeorodheshwa.

Faida za kuandika “Mambo 101”

KUSOMA MAKALA HII MPAKA MWISHO, BONYEZA HAPA

kuomba msamaha ni bora

Rafiki yangu ukikosea usiogope kuomba msamaha. Sisi kama binadamu huwa tunakosea, na ukigundua umekosea unajirudi, unakaa chini, unaweka mkakati mpya kisha unasongambele.

Usije ukatumia kipengele cha kuomba msamaha kama sehemu ya kufanya makosa yanayojirudia.  Simamia mambo ya msingi, simamia haki. Ikitokea umekosea. jisahihishe na Songambele.

Habari,

Kinacholinda kitabu siyo ISBN, kinacholinda kitabu ni Hakimiliki.

Hakimiliki ni tamko la kisheria linalompa mwandishi au mzalishaji wa kazi ya kiubunifu haki ya kipekee ya kutumia, kunakili, kuchapisha, au kusambaza kazi yake. Hii ina maana kwamba mtu mwingine hawezi kutumia au kuchapisha kazi hiyo bila ruhusa ya mwenye hakimiliki.

Kwa upande mwingine, ISBN (International Standard Book Number) ni namba ya utambulisho wa kitabu inayotumika kibiashara. ISBN husaidia maduka, maktaba, na wachapishaji kutambua na kufuatilia vitabu kwa urahisi, lakini haiwezi kulinda kazi yako kisheria.

Kwa hiyo, ukimaliza kuandika kitabu, hakikisha kwanza ISBN maana ni rahisi kuipata, lakini kabla ya kutoa kitabu au mara tu baada ya kutoa kitabu, hakikisha unapata hakimiliki.

Kumbuka: ISBN ni namba ya utambulisho wa kitabu, lakini Hakimiliki ni kinga ya mwandishi.

Kwa Tanzania ISBN inatolewa na Maktaba ya taifa. Na hakimiliki inatolewa na COSOTA

Kwa maelezo zaidi kuhusu jinsi ya kupata hakimiliki au ISBN kwa kazi yako, wasiliana nasi Songambele Consultants kupitia:

WASAP   bonyeza HAPA

📞 0655 848 392

 

Rafiki Yangu, kwa kazi au suala lolote ambalo unafanya. Jitoe kwa asilimia 100 kwenye kufanya hiyo kazi. Usijibakize nyuma na wala usikubali kitu chochote kile kikukwamishe. Weka nguvu zako, muda wako na akili zako kwenye hicho kitu.

Ngoja nikwambie kitu.

Ebu siku moja jaribu kufanya kitu kimoja na mawazo yaliyogawanyika.

Mfano huku unaandika kama hapa, na wakati huohuo unajibu jumbe. Ni ukweli usiopingika kuwa itakuchukua muda kuandika na kukamilisha andiko lako kuliko pale ambapo ungekuwa umeweka nguvu zako na muda wako wote kwenye jambo moja kwa kwati huo.

Hivyo basi rafiki yangu, chagua kufanya kitu kimoja kwa nguvu zako zote, kwa akili zako zote na bila kupepesa macho. Wekeza kila kitu sehemu moja.

SOMA ZAIDI: Jinsi Kufanya Kazi Kwa Bidii Kunavyoweza Kukukutanisha Na Wafalme

Makala hii imeandikwa na Godius Rweyongeza

Jipatie vitabu vya Godius Rweyongeza kwa kuchagua HAPA.

Wasiliana nami wasap hapa

Hakikisha umepata kitabu cha RASILIMALI ZA WATU WENGINE, ni kitabu kizuri kwa ajili yako. wasiliana na 0755848391 au 0745848395 sasa

Makala ya kesho itawekwa kwenye blogu ya SONGAMBELE ambayo unaweza kuifikia kupitia www.songambele.co.tz na itawekwa kwenye channel ya telegram pia ambayo unaweza kuifikia kwa KUBONYEZA HAPA

 

Rafiki yangu, tukiamia kwamba tunataka kufanikiwa. Hatuna mbafala wa Hilo. KITU pekee kinachotakiwa ni sisi tupambane mpaka USHINDI ufikiwe.

Hakuna mbafala wa USHINDI.

Kama tunapaswa kufanya mazoezi zaidi, basi tutafanya mazoezi zaidi. Ila USHINDI ni LAZIMA.

Kama tunatakiwa kujitoa tutafanya hivyo, maana USHINDI ni LAZIMA.

Siku ya Leo, jiulize ni USHINDI Gani wa lazima ulio mbele Yako? Upambanie sasa. Kumbuka. USHINDI ni LAZIMA.

SOMA ZAIDI: NI LINI HUWA TUNASEMA MTU AMEANZA KUPATA USHINDI?

Rafiki yangu mpendwa salaam. NIchukue nafasi hii kukupongeza kwa siku hii nyingine ya kipekee. Je, wajua kuwa kesho bora inatengenezwa kwa maamuzi sahihi unayofanya siku ya leo?

Tunapoizungumzia kesho bora, siyo tu tunazungumzia mabadiliko ya kalenda, bali tunazungumzia mabadiliko ya kimaisha ambayo yatakuwa yametokea kwa upande wako.

Matokeo mazuri utakayokuwa nayo miaka kadhaa ijayo, yanaandaliwa leo. Inawezekana leo hii mambo yakawa hayako sawa kwa upande wako. Ila hilo haliondoi nguvu na umuhimu wa kusema kwamba mambo mazuri na kesho yako nzuri inaweza kuandaliwa leo hii.

Ili kujenga kesho bora, ni muhimu kufahamu kwamba huwa hakuna mafanikio ya ghafla. Mafanikio yoyote unayotaka ni mchakao ambao unapaswa kuwa nao kuufuata, hivyo basi, kesho yako bora itaweza kujengwa kama utawez akuwa na mchakato mzuri ambao unaufufta na kuufanyia kazi. NI ukweli usiopingika kuwa ili kujenga kesho bora inayomeremeta unapaswa kuanza kuiandaa leo.

Pengine unajiouliza ni kwa namna gani naweza kuiandaa kesho bora leo hii?

#1. Maamuzi bora unayofanya leo yanaweza kuwa chaChu ya kutengeneza kesho bora. Maamuzi haya yanaweza kuwa ya kuwekeza muda, nguvu, pesa uliyonayo leo, maarifa n.k

Maamuzi haya yanaweza kuwa ya kuanzisha biashara. Yanaweza kuwa maamuzi ya kuweka akiba au kufanya uwekezaji. Kwa vyovyote vile leo hii unapaswa kufanya maamuzi kuilelekea kesho bora.

Inawezekana maamuzi haya yakawa magumu sana kwako.  Inawezekana maamuzi haya yakaambatana na maumivu, ila ni ukweli usiopingika ni kwamba  usiogope kufanya maamuzi haya. Yafanye maana, usipofanya maamuzi ya kesho unayohitaji, ukakubali kulipa gharama hata kama muda mwingine inaumiza, ni ukweli usiopingika kwamba hiyo keshoa bora itabaki kuwa ndooto tu.

Inawezekana leo hii ukafanya maamuzi ya kuweka akiba, lakini wakati huu unaamua kukweka akiba, kipato chako kikawa hakitoshi. Na muda mwinigine inawezekana uhkawa unaweka akiba ila unashawikishika kutumia akiba yako. ukweli ni kuwa jipe muda na usirudi nyuma. Kubali kulala njaa siku nyingine hata kama una akiba umeiweka. Ili mwishowe, hii akiba iweze kukusaidia kwenye kufanikisha malengo ambayo umeweka.

Maamuzi bora ya kesho yako unayofanya leo yaambatanae na vitendo. Nakumbuka mara kwa mara nimekuwa nasikia watu kuwa hawana mtaji, ila unakuta mtu analalamika miaka nenda miaka rudi shida hiyohiyo. Badala ya kuchukua hatamu ya maisha na kuanza kutengeneza kesho bora ambapo watakuwa na mtaji, wanaendelea kulalamika. Ngoja ni kwambie kitu rafiki yangu, kesho bora, inajengw akwa misingi mizuri ya kuamua na kuchukua hatua.

#1. Weka malengo

Kamwe usiishi bila ya malengo, kama hutakuwa na malengo rafiki yangu kila kitu ambacho kitakuja mbele yako kinaenda kuwa ndiyo malengo yako. hivyo, ni muhimu sana kwako kuyhakikish akmwab amara zote unakuw ana malengo ambayo unayafanyi akazi na malengo haya unayasimamia kwa dhati na kwa nguvu kubwa. Nakwambia hivi kwa sababu kuna wakai baada ya kuwa umeweka malengo unaweza kujikuta unataka kuacha kuyafanyia kazi. Jikita kwenye kuyafanyia kazi malengo yako mar azote. Malengo yako  yakufanye uwe bize muda woate nbadal;a ya kuwa bize na mambo ambayo siyo sawa na siyo sahiahi kwako n aka wka maendele ya kesho yako bora.

#3.  Jifunze kila siku

Rafiki yangu, kila siku jifunze. Iko hivi, kesho bora inaandaliw akwa kuwa na maarifa sahihi pia. maarifa ni moja ya kitu cha muhimu sana kuelekea kesho bora. Hata vitabu vitakatifu kama biblia vinayapa kipaumbele. Mfalme kama Suleimani, anaonakena akiomba kupata maarifa kwanza kabla y akitu kingine chochote. Hii ndiyo kusema kwamba wewe usiipuuzie nguvu ya maarifa. Maarifa yana nguvu kubwa sana.

Isitokee siku ukasema kwamba unajua kila kitu. Kila siku kwako iwe ni siku ya kujifunza upya.

#4. Heshimu muda wako

Baada ya kuwa umepanga aratiba yakp hakikisha kwamba unaheshimu muda wako wa kazi na hufanyi mambo menine yasiyoendana na kazi uliyokusudia kufanya  kwenye ratiba yak o rasmi.

 

Tunaishi kwenye dunia ya kipekee sana. Mara paap, headphones hizo hapo tunazo na tunatamba nazo. Unaweza kuzivaa kwenye daladala
Kwenye usafiri wowote wa umma au wa binafsi
Ukiwa unatembea
Na hata ukiwa ofisini au nyumbani.

Leo nataka tujadiliane kwa pamoja kwamba uvaaji huu wa hizi headphones ni wa faida au hasara

Ni jambo la wazi kuwa uvaaji wa headphones una faifda zake lakini pia umeambatana na hasara kadhaa.Haya yote nataka tuyaangalie kwa jicho la tai aliye juu angani na angalia vitu kama vilivyo bila ya kupepesa macho.

IKo wazi kwa mfano kwamba ukiwa kwenye mazingira yenye kelele nyingi, ukiwa na headphone zinakusaidia sana kundelea na majukumu yako. Nakumbuka wakati nipo chuoni, NILIKUW NA UWEZO WA KUENDELEA NA MAJUKUMU YANGU HATA KAMA NILIKUWA NIMEZUNGUYKWA NA WATU WENYE MAKELELE kwa sababu tu nilikuwa nimevaa headphone.

Kuna kipindi fulani unahitaji usikilize jambo au taarifa ambazo hutaki upande wa pili usikie. na hapa ndipo headphone zinafanya kazi nzuri sana.

Aidha kwenye suala zima la kujifunza kwangu, huwa napenda kuzivaa na kusikilza vitabu vya sauti. Yaani audioooks kama hizi ambazo unaweza kuzipata hapa. Kila ninapopita na headphone zangu, ninakuwa ninapata maarifa bila shida yoyote ile.

Wengine pia wanapenda kuzivaa wakati wa kufanya mazoezi, kitu hiki kinawafanya wanaua ndege wawili kwa jiwe moja.

Hata hivyo kuna mazingira tunazivaa kupitiliza. Mfano, unakuta mtu anapanda kwenye usafiri. muda wote wa safari (labda kutoka Morogoro kwenda Dar) amevaa headphone tu.! je, hii ni faida au hasara?

Ukiniuliza mimi nitakwambia hii ni hasara. unajua kwa nini? Umekaa kwenye treni au gari au ndege, hujasalimiana na mtu wa karibu yako. HUjajua ni nani n.k.

• Halafu wewe huyohuyo kila siku unaomba uweze kukutana na watu wazito, unadhani utakutana nao kivipi? watashuka kutoka mbinguni? Hapana, inawezekana konekisheni unazozitafuta umeshapishana nazo mara nyongi tu kwa sababu ya kutozitumia. au kwa kuwa bize muda wote.

  USHAURI WANGU: Ukipanda usafiri au ukiwa kwenye mazingira ya watu, weka pembeni headphone hata kwa muda kwa ajili ya kusalimiana na watu. Usisafiri na mtu kwa saa mbili, bila kumjua vizuri. Unaweza kukuta huyo ni mteja mzuri wa bidhaa zako, unaweza kukuta anakuja kuwa msambazaji wa bidhaa zako, unaweza kukuta anakuwa mshirika wako muhimu na pengine anaweza asiwe chochote. Lkini haya yote yatawezekana kwa wewe kuhakikisha unakuwa na mazungumzo na huyu mtu

  SOMA ZAIDII: JINSI YA KUANZISHA MAZUNGUMZO NA MTU YEYOTE

Fanya Kitu Hiki Kimoja Tu Kwenye Biashara Yako (Funzo Kutoka Kwa Makampuni Makubwa Kama Google, Facebook Na Amazon)

Makala hii imeandikwa na Godius Rweyongeza

Jipatie vitabu vya Godius Rweyongeza kwa kuchagua HAPA.

Wasiliana nami wasap hapa

Hakikisha umepata kitabu cha RASILIMALI ZA WATU WENGINE, ni kitabu kizuri kwa ajili yako. wasiliana na 0755848391 au 0745848395 sasa

Makala ya kesho itawekwa kwenye blogu ya SONGAMBELE ambayo unaweza kuifikia kupitia www.songambele.co.tz na itawekwa kwenye channel ya telegram pia ambayo unaweza kuifikia kwa KUBONYEZA HAPA