“Get your face out of Facebook and get it into the book”
Unknown

Kama bado hujajiunga na mfumo wetu maalumu wa kutokea makala, bonyeza HAPA

Wiki Chache zilizopita nilikutana na usemi ambao nakubaliana nao kwa asilimia 100. Usemi huu mzuri
“unasema toa uso wako kwenye mtandao wa Facebook na uweke kwenye kitabu”.

Kiukweli huu ni usemi ambao haujaremba kitu.
Yaani kama unapenda kutengeneza maisha ya tofauti basi utapaswa kutoa uso wako Facebook na kuuweka kwenye kusoma vitabu kwa muda mwingi.

Ni ukweli kwamba Facebook na mitandao mingine inatuunganisha, lakini muda ambao watu wanatumia kwenye mitandao hii ni mwingi zaidi kuliko muda unaotumika kufanya kazi za kujenga. Imefikia hatua kila kitu ambacho mtu anafanya anakimbia kukiweka Facebook. Akiamka asubuhi basi anaweka Facebook
Akipata kifungua kinywa basi anaweka picha Facebook
Akikasirishwa bado na chenyewe anaandika Facebook. Kwa maisha ya sasa hivi unaweza kufuatilia maisha ya mtu Facebook na ukajua kila kitu alichofanya kwa siku nzima.

Sasa swali Je, haya yote yanakusaidia nini? Hivi ukiweka Picha kwamba upo hoteli fulani au umekutana na fulani inakuongezea thamani gani mishani mwako? Je, inaingiza pesa? Na Je, usipofanya hivyo utakufa?

Ubovu wa mitandao hii ni kwamba ukiangalia kitu facebook wanakuletea kingine kinachofanana na kile cha awali. Hivyo unajikuta unatumia muda mwingi kwenye ni mtandao huu kuliko muda unaoutumia sehemu nyingine.

Utafiti unaonesha kwamba watu wanaingia Facebook kila baada ya dakika tano mpaka kumi

 Sasa umefika wa wewe kutoa uso wako Facebook na kuuweka uso wako kwenye Vitabu.

1. Soma kujiongezea Maarifa na kujitofautisha.

2. Ukisoma kitabu, utaimarisha Afya akili. Na Afya ya akili ambayo itapelekea kwako kuwa na Afya ya mwili na roho.

3. Soma ili kupanua fikra zako na kupata mawazo chanya ya kumujenga.

4. Soma pia kuongeza kumbukumbu na kupunguza kusahau sahau

5. Soma kukutana na watu ambao huwezi kukutana nao. Au ambao hata ukikutana na bado hutapata kila kitu kutoka kwao.

6. Soma ili kuongeza kipato chako😊.

Kama Utakosa Vitu Hivi, Utaishia Kusikia Mafanikio Kwenye Vyombo Vya Habari

Mwaka juzi wakati nasoma kitabu cha Who Will Cry When You Die nilikutana na kitu cha kushangaza kidogo ila ikabidi nikifanyie kazi. Mwandishi wa kitabu Robin Sharma alisahuri kwamba unapaswa kuwa na kitabu cha ndoto chenye orodha ya vitu 101 ambavyo utavifanyia kazi kabla ya kufa. Vitu hivi vinaweza kuwa ni ndoto, malengo na mipango yako ya muda mfupi na mrefu. Hiki ni kitu kimoja ambacho kina sehemh mbili

Kwa hiyo mpaka hapo tunaona vitu viwili muhimu vifuatavyo.
1. Unapaswa kuwa kitabu cha ndoto
2. Unapaswa kuwa na orodha ya vitu 101 ambavyo uyavifanyia kazi maishani mwako

Kabla hujaishia hapa ngoja tuendelee kidogo!

Ni watu gani ambao ungependa kukutana nao maishani mwako?

Sehemu gani ungependa kutembelea?

Lugha gani ungependa kujifunza?

Je, ungependa kuandika kitabu? Kitahusu nini? Mwaka gani?

Hivi kuna biashara au fursa unayiona kwenye akili yako? Ni ipi?

Gari gani ungependa kumiliki? Linafananaje? Nyumba je?

Je, unapenda kuwa huru kiuchumi? Itakuchukua nini na baada ya mwaka gani?

Afya yako je? Ungependa iweje?

Kama kuna kitu ungependa kufikia kati ya hivyo basi kiandike kwenye KITABU CHAKO CHA NDOTO.
Na hapo nimekupatia maswali ya kuanzia ili kutengeneza orodha ya vitu 101 ambavyo utafanyia kazi. Ni juu yako kuendelea mpaka ufikie 101.
Ngon nikwambie kitu.  Mimi mara ya kwanza niliandika vitu 21 tu. Rafiki yangu mmoja akaja akasoma hiyo orodha kisha akacheka. Akaniambia hivi, acha uoga. Andika vitu mpaka ufikie vitu 101. Nikagundua kweli ulikuwa uoga, nikaanza tena.

Sasa unajua nini?
Baada ya kuwa umefanya vitu vyote hivyo, kuna hatua saba hapa napenda uzifuate.
1. Orodhesha lengo au ndoto moja kubwa ambalo  utafikia maishani.

2. Weka sababu tano kwa nini utafikia lengo au ndoto hiyo. Katika nyakati ambazo utakutana na ugumu rudi kwenye KWA NINI zako ili zikupe moto za kusongambele katika kutimiza ndoto yako.

3. Chukua kalamu na karatasi na andika kila kitu ambacho kitahitajika kufikia ndoto hii. Andika kila hatua ambayo unafikiri utapitia kabla ya kufikia ndoto zako.

4. Andika vikwazo vyote ambavyo unafikiri vinaweza kujitokeza na hatua ambazo utachukua.

5. Andika majina ya watu muhimu kwako unayohitaji ili kufikia ndoto zako

6. Tengeneza orodha ya washauri. Hawa ni watu ambao watashiriki katika kukushauri na  kufikiri juu ya ndoto zako.

7. Eleza jinsi ya uyakavyojisikia endapo utafikia ndoto hii. Je, utakuwaje kiuchumi, kihisia, kiroho na mwonekano.

Huu ndio mwongozo wako wa kutengeneza orodha ya vitu 101 ambavyo utafikia maishani.
****************

🔥kama bado hujapata nakala ya kitabu cha jinsi ya kuibua ubunifu ulio ndani yako, chukua hatua leo. Kitabu kinapatikana kwa shilingi 7,000/- tu.
Tuma pesa kwenda 0755848391 jina Godius Rweyongeza.
Baada ya hapo nitumie ujumbe wenye barua pepe yako ili nikutumie kitabu.

Asante sana,

Umekuwa nami,
Godius Rweyongeza
0755848391
www.songambeleblog.blogspot.com

Katika hatua fulani maisha watu huwa na ndoto za kufikia vitu au kuwa aina fulani ya maisha. Ndoto hizi huwa ni nyingi hasa kwa watoto maana huwa wanazisema kwa kujiamini kuliko watu wazima. Ndio maana ukiongea na mtoto mdogo na kumwuliza kwamba unataka kuwa nani basi bila ya shaka na bila kukwama sehemu atakuambia anataka kuwa daktari, nesi, rubani, mwanasheria n.k. wakati anakupa jibu hilo hakwami popote wala haogopi chochote.

Sasa swali hilo hilo ukimwuliza kijana utashangaa sana. Utasikia mwingine anakwambia kwamba wewe hiyo hapo inakuhusu nini. Au utasikia mwingine anasema kwamba nasubiri kitu fulani kitokee ndio nitajua. Kama ni mwanafunzi basi atakwambia kwamba nasubiri nifaulu mitihani ndio nitajua kinachoendelea. Mwingine atakwambia kwamba nasubiri serikali itangaze ajira ndio nitajua. Hii ndio kusema kwamba mtu huyu sio tu amepoteza ndoto yake bali pia kwa sasa hivi hajui ni wapi anaenda. Lakini mtu huyu huyu miaka ya nykazikidogo ndiye alikuwa na ndoto kubwa ya kuwa raisi, daktari au rubani. Sasa ni nini hiki ambacho huwa kinatokea na kuua ndoto za watu. Leo hii nimekuandalia vitu vitano ambavyo vinasababisha watu kuua ndoto zao.  Vitu hivi vinaweza pia kuwa vimechangia kuua ndoto zako ambazo umekuwa nazo maishani mwako, pengine usipokuwa makini vitaua na ndoto zako za sasa hivi.

1. Watu wengine wamekuzuia kuwa na ndoto kubwa
Kuna watu wengi ambao kazi yao ni kuua ndoto za watu. Watu hawa wanaweza kuwa ni watu wa karibu yako. Au wanaweza kuwa wale ambao kwa hakika wanajua ukiweza kuifikia ndoto yako basi kitendo kama hicho kitawafanya wawe watu wa chini. Hivyo wanachofanya ni kukutatisha tamaa na kukuonesha kwamba haiwezekani kabisa kufanya wala kutimiza ndoto kama hiyvo hapo.
Na watu wanaoua ndoto zako wanaweza kuwa ni watu wa karibu yako. Wazazi, ndugu jamaa na marafiki ambao pengine wao walijaribu kufanya kitu wakawa wameanguka au waliwaona watu wengine wakifanya kitu hicho wakawa wameshindwa.  Hivyo wanachukua hizo kumbukumbu na kuzileta kwako, kuonesha kwamba na wewe hutaweza, tena watu hawa watakuja na kila aina ya sababu ya kuonesha ni kwa namna gani huwezi, na pengine watakupigia hesabu za kuonesha kwa nini  ndoto unayotaka kuifanya haitawezekana.

2. watu wengine wanaugulia maumivu ya nyuma au kukatishwa tamaa
Kukata tamaa na maumivu ni uhalisia kati kile ambacho unategemea na ukweli. Kila unayemowna amefikia mafanikio makubwa sana maishani basi ujue kwamba amepitia hali kama hii hapa. Na kuna nyakati maumivu yanaweza kuwa mazito kiasi cha kukufanya wewe upoteze matumaini uliyokuwa nayo. Hata hivyo unapaswa kuchukua somo na maumivu ambayo unakutana nayo kwa wakati husika. Maana siku zote matatizo huwa sio tatizo, bali fursa ya wewe kusonga mbele ya kufanya makubwa zaidi ya hapo.
Usipojifunza kutokana na matatizo basi utakuwa kama paka ambaye akikaa kwenye jiko la moto likamuunguza basi hatakaa tena kwenye jiko hilo hata kama ni la baridi. Siku zote chukua somo kutokana na changamoto ambazo unakutna nazo kasha songambele.
Kamwe usije ukajiambia kwamba sitarudia kufanya kitu hiki baada ya kuwa umeshindwa. Hilo hapo ni kosa kubwa kwa ndoto zako. Ni ukweli kwamba utashindwa mara kwa mara kabla ya kufikia ndoto zako ila usiache kuendelea na safari ya kutimiza ndoto yako. Ndio maana aliyekuwa waziri mkuu wa uingererza Magreth thatcher amewahi kusema, kuna nyakati utapaswa kupigana vita zaidi ya mara moja ili kushinda. Kwa hiyo wewe kila mara chukua somo ujifunze na usonge mbele.

3.kuna watu wanatulia na ukawaida
Kuna watu wanaamua tu kutulia na kile walichonacho. Ila cha kufahamu ni kwamba unapoamua kutulia na kile ulichonacho, hata kile ulichokuwa nacho kinaanza kupungua. Ni katika nykati kama hizi hapa utajikuta unaanza kuilalamikia serikali, wazazi au watu ambao wewe utawachaggua kuwalalamikia.
Kama kweli kwa sasa unajua kwamba unaishi maisha ya kawaida na umetulia basi amua sasa kuanza kufikiri tofauti. Kumbuka kwamba uwezo wako ni mkubwa na hhivyo unapaswa kuutumia. Ukitulia na kuridhika na hali ya sasa unakuwa umeamua kuuzika uwezo wako kaburini. Tunaweza kusema kwamba unakuwa na sawa na mtu ambaye anachukua meli kubwa ambayo imetenegezwa ili kusafirisha watu na mizigo kwenye maji makubwa ya bahari, sasa meli hii inawekwa kwenye kijito kidogo tu. Huhitaji mtu wa kukwambia kwamba hapo sio mahala pake. Na wewe hivyo hivyo, ukitulia na hali ya sasa unajjikwamisha.
Kuna shida gani katika kutulia na kuridhika?
Hili hapa ndilo linaweza kuwa ni swali lako ambalo unajiuliza. Ngoja ni kwambie kitu. Vitu vilivyotulia ndivyo huja na madhara makubwa. Mbu huzaliana kwa wingi kwenye maji yaliyotulia na kutuama. Hata konokono wanaoeneza  magonjwa wanakutwa sehemu kama hizi zilizotulia. Yaani naweza kusema kwamba kila kitu ambacho kinakaa kwa muda mrefu  kimetulia kinaoza, hata mdomo ukikaa muda mrefu umetulia unaanza kutoa harufu. Unaona sasa, kumbe ni wakati wako wako wewe kuhakikisha sasa hautulii tu kuridhika na hali ya sasa. Kwa sababu unaweza kufika mbali zaidi ya hapo na unaweza kuwa zaidi ya ulivyo sasa hivi kama utaammua kuzifanyia kazi ndoto yako.

4. watu wengine wanakosa ujasiri unaotakiwa ili kuzifikia ndoto zao,
Ni ukweli kwamba ndoto huwa ni kubwa. Lakini pia huwa zinahitaji muda ili kuweza kuzifikia ndoto hizi. Cha ajabu zaidi kuhusu ndoto ni kwamba wewe ndiwe unakuwa unaona kule unapoenda ila wengine hawapaoni. Pia wewe ndiwe unakuwa unajua ni wapi unaenda na kwa nini unaenda huko ila wengine ndio kwanza wanakushangaa. Sasa katika nyakati kama hizi hapa unahitaji ujasiri mkubwa kuendelea kuifanyia kazi ndoto yako kila siku hata kama watu wengine wote watabaki u kukucheka, kukutania na kukutukana. Inahitaji ujasiri mkubwa. Kadri unavyokuwa na ujasiri wa kuiongelea ndoto yako ndivyo unakuwa pia na ujasiri wa kuifanyia kazi na kuifikia.

5. kuna watu wanakosa fikra za kuota ndoto kubwa.
Hivi watu huwa wanaanzaje kuwa na ndoto kubwa? Hili ni swali ambalo pia tunapaswa kujiuliza na kulitafutia majibu yake kwa kina. Nakumbuka mvumbuzi Thomas Edison akiwa na umri wa miaka 21 alisema kwamba “ningependa kutumia maisha yangu nikiwa navumbua vitu. Kuna vitu vingi sana vya kufanya na ninaaweza kufa kabla sijafikia hatua kubwa, hivyo nitatumia muda mwingi kuhakikisha kwamba navumbua hivyo vitu”. Kwa hiyo yeye ndoto ya maisha yake ikawa ni kuwa mvumbuzi. Na unaweza kuona hapo kilichofanyika ni kwamba alianza kuwa na fikra juu ya kitu ambacho angekifanya ili kufanya thamani na maisha ya watu kuwa bora zaidi.
Kama kuna kitu kimoja ambacho utapaswa kuhakikisha unakifanyia kazi basi ni kuwa ndoto kubwa ya maisha yako.

Rafiki yangu hivi ni vitu ambavyo vinawazuia watu walio wengi kuweza kufikia ndoto za maisha yao. Hivi ni vitu ambavyo vimekuwa vikikuwamisha pia na wewe. Sasa ni wakati wako kuhakikisha kwamba unasonga mbele na kufanya makubwa zaidi. Hakikisha kwamba unakuwa na ndoto na uifanyie kazi

Moja kati ya vitu ambavyo vimekuwa havielekezwi kwa umakini sana basi ni namna ya kuianza siku yako. Unapoamka asubuhi unakuwa na mambo mengi sana ya kufanya.
Wengi huutumia muda huu kufungulia redio na kusikiliza taarifa ya habari. Hata hivyo hapa napenda nikushirikishe namna sahihi ya kuianza siku yako.

Haupaswi kuianza siku yako kama mnyama au ndege. Kuna mambo machache ambayo ukiyafanya yatakunufaisha na kuifanya siku iwe ya kipekee. Hizi ni mbinu pia ambazo wataalamu na watu waliofikia mafanikio makubwa wamekuwa wanatumia.

Moja, jisemee maneno chanya
Kuna mtu ambaye ubora wa siku au ubaya wa siku unatokana na kile anachokutana nacho anapoamka. Akiamka akakuta mvua inanyesha basi anatoa tafsiri na kuiita siku hiyo njema au mbaya kulingana na anavyojisikia. Mwingine akisikia mlio wa mnyama fulani basi anatoa tafsiri kuonesha kwamba hiyo ni siku njema au mbaya. Ila nipende kusema kwamba  kila siku huwa ni bora. Ubora wa siku hautokani na hali ya hewa. Ubora wa siku unaanzia ndani yako. Anza kujisemea maneno chanya asubuhi unapoamka. Jisemee maneno chanya na maneno ya kukusukuma kufanya makubwa. Jisemee kwamba wewe ni mshindi, umezaliwa kushinda na utaishi kiushindi ndani ya siku hii mpya. Maneno mengine chanya unayoweza kujisemea ni kama……….

Pili, Soma malengo yako
Utumie muda huu wa asubuhi kuhakikisha unasoma malengo yako. Jiulize Je, bado ninatembea kwenye nia sahihi kuelekea ninapotaka kufika kimafanikio. Inashauriwa kila siku upate muda wa kupitia malengo yako walau mara mbili. Ila bado unaweza kupitia malengo yako zaidi ya hapo. Na muda mzuri wa wewe kupitia malengo yako ni asubuhi na mapema kabla hujakutana na uhalisia wa dunia.

Tatu pangilia ratiba ya siku nzima
Winston Churchill amewahi kunukuliwa akisema kwamba akipewa saa sita za kukata mti atatumia masaa manne kunoa panga na mawili kukata mti. Muda wako wa asubuhi ni mzuri kwako wewe kuanza kunoa panga. Unanoa panga kwa kupangilia nini utafanya. Baada ya hapa utaianza siku yako ukijua haswa ni nini unapaswa kutimiza.

Nne, soma kitabu, ianze siku yako kwa kusoma kitu chanya. Soma kitu ambacho kinakuongezea maarifa zaidi. Kumbuka kipato chako kitaongezeka mara dufu kama utaongeza maarifa yako mara tatu zaidi kama anavyotuasa Robin Sharma.

Tano, andika mambo ambayo kamwe hutafanya.
Mbali na kwamba umeshapangilia siku yako kwa kuandika nini utafanya. Andika pia yale ambayo hutafanya hata iweje.

Mara nyingj unapokiwa unaanza maisha, lazima ndoto zako zitakuwa kubwa. Ni kubwa kiasi kwamba ukimwambia mtu atabaki kushangaa na kukakaa mdomo wazi hadi nzi wakaingia. Bila shaka unekutana na hali hii kama bado utakutana nayo. Wewe unayejua wapi unaenda na kwa nini huwezi kushangaa. Mwingine akisikia ndoto yako atakuuliza pesa utaitoa wapi ya kufanya hayo yote? Kwa haraka unapaswa kumjibu kwambabnitasambaza upendo. Ila kadri tunavyoendelea na Makala hii utaona kweli kusambaza upendo ni kitu muhimu sana. Sasa hapa chini nimekuwekea vitu vya kufanya kama hauna pesa na una mdoto kubwa.

1. Anza kufanya biashara ndogo ndogo
Mara nyingi utakuta kwamba ndoto yako inahitaji pesa ya kutosha. Na wewe unaweza ukawa kabisa hauna pesa au una kiasi kidogo kiasi hata ukianza kwa kiasi hicho hutaweza hata kufikia katikati ya ndoto zako. Katika nyakati kama hizi basi utapaswa kuchagua biashara ndogo ndogo ambazo utatoa thamani kwa watu na kupata hela. Unaweza kufanya hizi kwa muda kisha ukapata hela ya kutosha na ukaamua kuingia moja kwa moja kwenye utimizaji wa ndoto zako kubwa.

Anzia chini panda juu
Kuna usemi wa kiingereza unaosema kwamba dream big but start small. Ukimaanisha kwamba kuwa na ndoto kubwa ila kuwa tayari kuanza kidogo. Kuwa tayari kuanza na kile ulicho nacho huku unakikuza zaidi. Yaani unataka chini kuelekea juu. Vitu vidogo huwa vinatoa mambo makubwa ambayo watu hawategemei kabisa. Mbuyu ni mti mkubwa ila mbegu yake ni ndogo. Ukiiona mbegu ya mbuyu huwezi kuona uwezekano wa mbegu hiyo kutoa mti mkubwa. Lakini uwezo wake huwa unajidhirisha kadri muda unavyosogea. Na wewe utaweza kutimiza ndoto zako, ni suala la muda tu.

Jitume sana
Utahitaji kuweka nguvu katika kutimiza ndoto yako. Wafanyabiashara wengi na watu waliofikia hatua kubwa kimasisha wanasema wazi kabisa kwamba mwanzo ni mgumu. Na katika kipindi hiki lazima utapaswa kufanya kazi kwa bidii na kujituma kwa bidii kubwa. Kama unakaribisha ukawaida basi utaendelea kuwa wa kawaida ila kama umepanga kufanya vitu vya tofauti lazima uwe tayari kufanya vitu katika namna ya utofauti. Na hivyo kufanya kazi kwa bidii hakuepukiki. Katika kipindi hiki usemi wa Waziri Mkuu wa uingereza Winston Churchill  wa damu, kuteseka, machozi na damu ndipo haswa unatumika.

Kumbuka ukitoa jasho jingi sana wakati wa mazoezi utatoa damu kidogo wakati wa vita.
Ukitoa jasho jingi wakati wa ujana, utaondoa mateso yatakayokupata wakati wa uzee.

Usitarajie tu kwamba ndoto yako itatimia wewe ukiwa umelala kitandani. Katika kitabu chake cha DESTINY mwandishi T. D. JAKES anakazia msumari kwa kusema, usikae tu kwenye sofa na kusema ONE DAY YES! Ndio itakuja siku ambapo utafikia hatua kubwa lakini unapaswa kufanya kazi kwa bidii ili kufikia huko.

Kubali kuanza kuifanyia kazi ndoto yako leo. Kubali kuifanyia kazi haswa. Anza sasa hivi.

Hellen Keller (1880-1968)  alikuwa mwandishi, mwanasiasa na Mwalimu wa chuo. Kwa miaka hiyo alikuwa ni kipofu wa kwanza kupata shahada ya Chuo kikuu. Siku moja alitoa hotuba moja ambayo iligusa maisha ya watu. Baada ya hotuba hiyo waandishi walikusanyika ili kumuuliza maswali ya hapa na pale. Wakati maswali yanaendelea kuulizwa alijitoleza kijana mmoja ambaye alisafisha koo na kusogea mbele  kidogo. Kijana huyu alikuwa ameitafuta nafasi hii kwa muda mrefu  na isitoshe alikuwa mchanga kwenye ulimwengu wa habari. Aliuliza, “kitu gani ni kibaya zaidi katika maisha zaidi ya kuwa kipofu”.
Mara ghafla sauti ya miguno zikaanza kusikika. Mtu mmoja kwenye kundi la watu akasikika akisema, swali gani hilo achana nalo usilijibu. Mwingine akasema swali hilo linadhalilisha achana nalo.

Lakini hali haikuwa hivyo kwa Hellen Keller. Alionekana kulipenda swali na hivyo aliwaashiria watu watulie ili aweze kujibu hilo swali. Alisema, “kitu kibaya zaidi katika maisha ni kuwa na macho bila ya kuwa na maono/ndoto”.
Akamaliza.

Unajua nini? Kuna watu walifikiri  kitu kibaya zaidi ya kuona kitakuwa labda ulemavu wa mikono au miguu. Ila alisema maono au ndoto ndio kitu kibaya zaidi.

Swali kama hilo lingeulizwa kwa vijana wa zama  hizi  basi ungeshangaa. Kuna ambao wangesema kitu kibaya zaidi ni kutokuwa na mtaji wa kuanzisha biashafa, wengine wangesema kitu kibaya zaidi ya kukosa msaada wa serikali, wengine wangesema kitu kibaya zaidi ni kukosa elimu.

Tunachojifunza kwa Hellen Keller ni kwamba maono ni mwongozo wa maisha.  Mtu mmoja amewahi kusisitiza kwa kusema kuwa, maono au ndoto sio zile unazoota ukiwa umelala. Bali ni kile kitu ambacho unakiona na kukiendea hata kama umefumba macho. Tena wataalam wanasema ndoto zako zinapaswa kuwa kubwa zaidi kiasi cha kukuogopesa hata wewe. Ndoto kubwa ziyakufanya
1. Upate nguvu ya kusonga mbele hata pale mambo yanapokuwa ni magumu maishani mwako au unapokutana na changamoto

2. Zitakufanya upangilie muda wako kwa vipaumbele.

3. Zitakufanya utengeneze konekisheni za maana na kwa wakati.

4. Zitakufanya ubaki ukiwa na motisha ya kufanya makubwa kwa wakati wote.

Je, wewe ndoto zako kubwa ni zipi?