Kwanza ni kwamba, KIPAJI hakiazimwi kama nguo. Ni kitu ambacho unazaliwa nacho.

Pili, kwa kuwa kipaji tunazaliwa nacho hivyo hukilipii gharama yoyote kuwa nacho. Kitu hicho kinafanya kipaji kuwa na bei rahisi sana kuliko chumvi, pengine ndio maana watu wengine hata hawakithamini wala kukipa kipaumbele maishani mwao.

Tatu, kipaji huwezi kukitumia ukakimaliza. Kadiri unavyokitumia kipaji chako ndivyo unavyozidi kukiboresha na kukifanya kuwa bora zaidi. Ukisikia wanasema mtu fulani ameshuka viwango kwenye kutumia kipaji chake, basi ujue kuna namna anajibana kwenye kukitumia.

Kipaji ni kama misuli ya mwili, kadiri unavyokitumia, ndivyo inazidi kuimarika zaidi, usipoitumia inafhoofu.

Umekuwa nami,

GODIUS RWEYONGEZA

Hakikisha Umesubscribe kwenye Channel yangu ya youtube kwa KUBONYEZA HAPA

Jiunge na mfumo wa kupokea makala maalumu kwa njia ya barua pepe kwa KUBONYEZA HAPA

Jipatie nakala za vitabu vyangu vya kiswahili kwa KUBONYEZA HAPA

Kama ungependa kujifunza kuhusu uandishi kutoka kwangu wasiliana nami kwa 0755848391

kila la kheri

Kuna kitu kimoja ambacho leo ninataka ukifahamu kuhusu utajiri na umasikini.
Kitu hiki ni kwamba maskini wapo siku zote, ila kazana usiwe mmoja wao.

Kwenye kila jamii unakuta kuna watu wachache wenye utajiri mkubwa   ukilinganisha na wengine wengi.

Sasa lengo lako linapaswa kuwa ni wewe kuingia kwenye wale wachache ambao wana utajiri mkubwa.

Utajiri ni kitu ambacho unaweza kukitengeneza kwa kufuata kanuni chache tu kama
kuweka akiba
Kutunza akiba hiyo na hatimaye kuiwekeza
Kuifanya fedha ikufanyie kazi na vitu vingine vya aina hiyo

Kwa hiyo kitu cha kwanza kabisa ambacho ninataka ufahamu ni kwamba; masikini wapo siku zote. Ila chagua kutokuwa mmoja wao.

Pili, upende utajiri na ipende fedha, huwezi kupata wala kuishi na kitu ambacho hukipendi. Huwezi kupata fedha wala kuishi na utajiri kama huupendi utajiri. Upende utajiri nao utakupenda. Zipende fedha nazo zitakupenda.

Wewe si unaona hata kwa watu. Mtu unapoonesha dalili za kumpenda ndio na yeye anakupenda. Ukionesha kumchukia na mwenyewe anakuchukia pia.

Ndio maana utasikia mtu anasema, Mimi na mtu fulani huwa hatuendani. Maana yake huwa hawapatani, huwa haziivi. Hawawezi kukaa pamoja.

Sasa kama na wewe huzipendi fedha maana yake wewe na fedha hamwendani, hampatani, haziivi na hivyo huwezi kukaa pamoja na fedha (ndio maana ukizipata unazifuja kwa kuzitumia hovyo).

Kuanzia leo, anza kuzipenda fedha. Zipende zikupende.

Nashauri usome vitabu vyangu vya MAISHA NI FURSA ZITUMIE ZIKUBEBE pamoja na kitabu cha MAAJABU YA KUWEKA AKIBA
Rusha elfu 20 leo nikutumie ebooks zake leo kwa WhatsApp au barua pepe.

Rusha fedha kwa 0684408755 jina ni GODIUS RWEYONGEZA

SOMA ZAIDI:

• Vitu Vitano Ambavyo Havitabadilika Miaka Kumi Ijayo
• Ni muda Upi Sahihi Kuajiri Wafanyakazi kwenye Biashara?
• Sababu 5 Kwa Nini Haupaswi Kuomba Fedha Kwa Wazazi: Jifunze Kujitegemea na Kuwekeza Kwa Mafanikio

Umekuwa nami,

GODIUS RWEYONGEZA

Hakikisha Umesubscribe kwenye Channel yangu ya youtube kwa KUBONYEZA HAPA

Jiunge na mfumo wa kupokea makala maalumu kwa njia ya barua pepe kwa KUBONYEZA HAPA

Jipatie nakala za vitabu vyangu vya kiswahili kwa KUBONYEZA HAPA

Kama ungependa kujifunza kuhusu uandishi kutoka kwangu wasiliana nami kwa 0755848391

kila la kheri

Januari ni mwezi wa kwanza wa kila mwaka. Mwezi unaofuata mara tu baada ya sikukuu za mwisho wa mwaka. Mwezi wenyewe wa januari unaanza kwa shamrashamra za kuushangilia mwaka.

Ni mwezi ambapo watu wanakuwa wamejichana na kula bata siku chache kabla, huku wakiwa wametumia hata fedha ambazo hawakupaswa kutumia, kitu kinachowafanya waanze mwaka wakiwa wamefuria.

Watu wanaanza mwaka wakiwa hawana fedha huku upande mwingine fedha zikiwa zinahitajika sana.
Kuanzia ada za watoto, kodi za nyumba, na mambo mengine

Vyote hivyo vinahitaji hela na wakati huohuo   mahitaji mengine ya kawaida kama chakula, umeme, kulala, vikiwa vinahitaji hela pia. Hicho kitu kinawafanya watu wachanganyikiwe.

Kuna utani mtandaoni unaosema

Watu wafupi mwezi huu mnatupa shida, ukiwa barabarani unatembea unamwona mtu mfupi, unadhani mwanao karudishwa nyumbani kwa sababu ya ada.

Utani mwingine unasema,
Kuna ile minyoo ambayo ukiwa nayo unakosa hamu ya kula. Naipataje, maana hii ni januari?

Wakati hizo kauli hizi mbili zimekaa kiutani, utani tu, ila pia zimebeba ujumbe mzito kuhusu uhalisia wa watu wengi walivyo mfukoni.

Kwenye makala hii ninaenda kukuonesha kwa nini umefulia mwezi huu wa Januari na hatua za kuchukua ili kuondokana na hiyo hali.

1. Umefulia kwa sababu unategemea chanzo kimoja cha kipato.
Hakikisha unakuwa na vyanzo vya kipato zaidi ya kimoja, vitakusaidia kuondokana na ukata.

2. Umefulia kwa sababu ulitumia fedha nyingi mwishoni mwa mwaka.ulitumia hata fedha ambazo hakupaswa kutumia.

Suluhisho: kuanzia januari hii anza kuweka akiba maalumu utakayotumia mwishoni mwa mwaka.  Na akiba nyingine kama ambavyo nimekuwa nikikushauri. Na uwe na na nidhamu ya fedha, usitumie fedha za malengo yako mengine kwa ajili kula bata

3. Umefulia kwa sababu huna hela za kulipa ada za watoto.

Suluhisho: naomba ufahamu kuwa suala zima la ada za watoto, halipaswi kuwa kitu kigeni kwako. Ni kitu ambacho unakuwa unakifahamu kuanzia januari mpaka disemba. Hivyo kwa mwaka huu uanze kujiandaa kwa kuweka pembeni fedha kidogo kidogo maalumu tu kwa ajili ya ada za watoto.

Hizo Ni baadhi ya sababu ambazo zinakufanya ufurie januari hii, ziepuke kwa manufaa yako ya sasa na miaka ijayo. Kila la kheri.

Umekuwa nami,

GODIUS RWEYONGEZA

Hakikisha Umesubscribe kwenye Channel yangu ya youtube kwa KUBONYEZA HAPA

Jiunge na mfumo wa kupokea makala maalumu kwa njia ya barua pepe kwa KUBONYEZA HAPA

Jipatie nakala za vitabu vyangu vya kiswahili kwa KUBONYEZA HAPA

Kama ungependa kujifunza kuhusu uandishi kutoka kwangu wasiliana nami kwa 0755848391

kila la kheri

Kauli ya mwak mpya na mambo mapya si kauli ngeni masikioni mwa watu. kila mwaka mpya unapoanza huwa unasikia watu wakiisema kauli hii tena kwa kujidai. Binafsi naiipenda pia kuauli hii, japo kuna watu ambao wanaitafsiri vibaya na hivyo kuitumia ndivyo sivyo.

Unakuta mtu kila mwaka mpya unapoanza yeye anakazana kuhakikisha kwamba anaanza kitu kipya kwa kusema kwamba ni mwaka mpya na kuachana na vitu ambavyo alikuwa akifanya hapo mwanzo. Kama ni fursa utakuta mtu anakimbizana kudaka fursa mpya na kuachana na ile ya zamani.

Ubaya wa hiki kitu ni kwamba kinakufanya ushindwe kubobea na watu wanashindw akukuelewa kuwa wewe ni mtu wa aina gani.

Tafsri nzuri ya mwka mpya na mambo mapya ni kwamba unapaswa kuongeza juhudi zaidi kwenye kile ambacho wewe umekuwa unafanya kwa siku zote. Nyingine ni kwamba unapaswa kufanya mambo mapya kwa kuachana na tabia mbovu ambazo zilikuwa zinakuzuia wewe kusonga mbele na kufikia mafanikio makubwa, badala yake unapaswa kuendelea kushikiliai tabia ambzo zitakufanya uzidi kusonga mbele zaidi.

Tafsiri nzuri ya mwaka mpya na mambo mapya ni kwamba unapaswa kutoa huduma kwa viwango vya hali ya juu sana (viwango vya nyota tano).

Tafsiri ya mwaka mpya na mambo mapya ni kwamba kama kuna kitu kitu ulikuwa unakifanya kwa namna ya ukawaida sana, sasa unapaswa kuanza kukifanya kwa viwango vikubwa tena vya hali ya juu sana.

Kama ulikuwa na tabia mbaya (kaa kuvuta bangi na kunywa pombe) achana nazo.

Hiyo ndiyo tafsiri nzuri y mwaka mpya na mambo mapya, ila siyo kwamba kila mwaka wewe uwe unakimbizana na fursa mpya.

Nakutakia kila la kheri rafiki yangu. umekuwa nami rafiki yako wa ukweli, Godius Rweyongeza.

Kwenye vitabu vitakatifu wanaeleza wazi kuwa mlango wa kuingia mbinguni ni mwembamba. Muda mwingine watakuambia kwamba wanaoitwa ni wengi ila wanaochaguliwa ni wachache.

Sasa kitu hiki pia huwa kinajitokeza kwenye maisha ya kawaida ya mafanikio. Ni vigumu sana kupata mafanikio makubwa kirahisi, wengi wanapenda mafanikio makubwa ila wachache ambao wanaweza kufanikiwa na kufika mbali. Hii ni kutokana na ukweli kwamba mlango wa kufikia mafanikio ni mlango usiopitwa na wengi. Ila huwezi kukutana na mtu ambaye amefanikiwa huku akiwa amepitia njia laini.

Japo njia hii ni ngumu na mbovu, ila ukiweza kuhimili vishindo na kuipita, itakufanya kuwa imara zaidi.

Hivyo kama kuna sifa kubwa ambayo unaihitaji ili kuweza kufikia ndoto yako kubwa ni kuwa tayari kuhimili vishindo na magumu unayopitia kwenye kazi au biashara au kitu chochote unachofanya.

Magumu ambayo unapitia japo unaweza kuyaona mabaya, ila yanakuwa yanalenga kukuimarisha na kukufanya wewe kuwa bora zaidi. na hii ndiyo sifa kubwa sana ambayo unaihitaji sana ili kuweza kufikia mafanikio makubwa.

Rafiki yangu, najua unafahamu kuwa una uhuru wa kuchagua chochote kile unachotaka kuwa. Unaweza kuchagua kuwa mwalimu, mchekeshaji, mshereheshaji, dereva, mkulima, mwanamichezo, mwanasiasa, mwanaharakati au chochote kile. Huo uhuru unao na wala hakuna mwenye uwezo wa kukuzuia wewe kwenye hilo.

Hata hivyo, kuna kitu kimoja tu ambacho ningependa kukutahadharisha, na kitu hiki siyo kingine bali kuchagua kuwa mlaji tu. Haupaswi kuwa mlaji wa kazi za watu wengine tu, hila wewe kuzalisha kazi.

Kwa kitu chochote kile ambacho umechagua kwenye maisha, hakikisha unachagua kuwa mzalishaji.
Dunia tunayoishi, haipungukiwi hata kidogo na walaji, ila wazalishaji ndio wachache. Wewe kuwa huu upande wa wazalishaji

Kama ulizoea kuingia YouTube na kuangalia video tu, kisha kuondoka, sasa ni zamu yako pia ya kuzalisha.

Kama ulizoea kusoma vitabu vya watu wengine, na wewe zalisha hata kwa kutupa mrejesho juu ya mambo uliyojifunza kwenye vitabu husika.

Rafiki yangu, kuanzia leo. Anza kuwa mzalishaji.